تجربتي بإتمام عقد الزواج بدانمارك بكوبنهاغن
لكل حدا بدو يتزوج هون بالمانيا وعم بصعبوها عليه كتيير اما بدن جوازات سورية او اخراجات قيد او او الخ….
بنصح الكل يسافر عالدانمارك بعرف الموضوع قديم شوي يمكن بس في عالم لهلأ عم تستعين بمكاتب وتكلفها القصة وهي بالواقع بتكلف اقل بكتيير.
الوراق المطلوبة:
-صور عن جوازات السفر الجواز الازرق او السوري التنين بيمشي حالن.
ورقة عازب للزوجة وللزوج من البلدية يكون مكتوب فيها عنوانكن وتاريخ ومكان الولادة وانكن عازبين (Meldebescheinigung)
ملاحظة هون ماتحكوا للبلدية انو بدكن هية كرمال عقد الزواج بدانمارك لأنو رح يقولولكن روحو جيبوها من السفارة تبعكن ببساطة قولولن طالبينها مني بجامعة او بشغل.
-صور عن الأقامة .
فورمولا فيها قسمين واحد عن الزوج والتاني عن الزوجة معلومات عامة رح حط الرابط تبعها بآخر البوست اهم شي ماتنسوا توقعوها.
*لازم تحولوا 117 يورو كمان رح حط IBAN بآخر البوست ووصل التحويل مع جميع ما سبق بتعملولن سكان او تصوير وبتحولن لصيغة Pdf وبتبعتون مع مواعيد بتناسبكن يفضل الموعد تحددو بعد حوالي تلت اسابيع لشهر كمان رح حط الايميل تحت .
الايميل كتبو بالانكليزي والفورمولا عبوها بالانكليزي كمان.
بعد اسبوع تقريبا اذا كانو وراقكن نظاميين بخبروكن انو وافقوا وعالاغلب يلي بيبعت هدول الوراق بتجي موافقة وما بيتعذب.
بس يرسلوك لك الموافقة لازم تتواصل مع البلدية يلي خبرتن انو بدك تقدم عليها وتاخد منهن موعد لان الموافقه بتجي بلا موعد لحتى ما تنتظر موعد عالفاضي بعد الموافقة لازم انت تتواصل مع البلدية لحجز الموعد .
لازم تكونوا هنيك قبل بنهار من مراسم عقد الزواج ومعكن كل الوراق والجوازات يلي بعتوهن بالايميل من قبل وتسلمون بالبلدية معكن ل 2 الضهر.
انا ساكن بساكسن سافرت من برلين بطيارة لكوبنهاغن لانو كان الطيران كتير رخيص لشخصين دفعت ذهاب وأياب حوالي 100 يورو.
يوجد الكثير من الفنادق والاوتيلات الاسعار هي تختلف عن بعض حسب توقيت الحجز وسيطة السعر 100 يورو بليلة.
بالنسبة ل الاكل والشرب نفس المانيا تماما.
هنيك رح تضطرو تصرفوا مصاري في كتير محلات.
لما بتوصلو عالمطار في مترو بياخدكن عا قلب كوبنهاغن
محل مو موجوده البلدية.
بيوم عقد الزواج الشغلة كلها خمس دقايق.
طبعا بخيروكن بين الانكليزي والالماني..
بتدخلوا عا غرفة بيسألكن سؤالين بتقولوا Yes yes?
وبتوقعو وخالصين بيعطوكن العقد هو نفسو الماني وانكليزي واسباني وايطالي.
هون لما رحت عالبلدية دغري اعترفوا فيه بس طلبوا الجواز مره تانية وغيرولي الحالة من اعزب لمتزوج.
بعتذر عالاطالة
ماعندي اجوبة اذا حدا سألني ماعندو اقامة او اقامة حماية ببساطة ابعتو ايميل وسألوهن.
- IBAN:
DK17 0216 4069 1906 50
BIC:DABADKKK
Email:[email protected]
Formula: https://www.klxml.dk/KLB/Blanket/Gaelder/vi005.pdf
